加拿大豬肉片炸茄子京葱

小妹好怕食有蘇味豬肉,所以會不斷找尋合味道豬肉,呢隻又係新發現,加拿大豬腩肉片,好淋,有豬肉香,一點蘇味都冇,正,買定係冰箱可隨時用,今次加炸茄子,京葱同炸蒜,好嘢味.

和民+

妹妹生日周,因佢有和民aeon咭,生日會送張100元禮券,有好多星期佢好忙冇得,剛剛星期六得閒去食咗佢.
以前係星鏝天婦羅,而家改咗海老天婦羅,一樣好食,不過媽媽失望d,佢好愛食鰻魚,連個鰻魚飯都冇埋,咁要咗個鰻魚壽司比佢,但她說麻麻喎,咁我下次買成條比佢食到夠啦.

豚平燒好好食,不過好膩,本想再叫多碗拉麵,但食唔落,因下一埸要留肚去食雪糕.
加多10元有杯另咖啡,啱晒我呢個咖啡精.

綠茶,提子冧酒,草梅係我哋至愛,happy

oliver-supersandwiches早餐---Eggs benedict

最近隔一天會同媽媽去oliver-supersandwiches食早餐---Eggs benedict,新出2個月多,因我不懂整,佢哋整得好正,可以烚完之得再焗隻蛋都流黃,小妹真係做不到,因時間上控制要好才可,都係出街食啦,佢一份有兩件,每都有不同料,煙肉同三文魚,最正係面個汁,好夾,我仲加多份焗薯粒,我至愛食,早餐我要食飽飽才有力架

紅酒燒汁炆咸豬手

又嚟咸豬手啦,因真係好正,家中有半支平價紅酒,見blog友炆紅酒燉牛肉,咁我想消滅支紅酒,就用佢,但好得意,我開頭炆時個紅酒色係好淡紫色,唔知係咪炒洋葱唔夠金黃???所以唔係我心中深啡色,心諗或者炆起會靚呢,但炆咗2小時都係淡色,好唔開心,咁我靈機一動不如加老抽試吓,加咗2湯,又可以喎,都近我心中顏色,好在我係用水炆,唔怕過咸,加2大個洋葱,2湯芥末炆,炆起個汁家人話好正,係佢哋心中味道,但佢哋唔知我炆時嚇親呢,怕炆得唔係嗰個味道,好在亂咁嚟都成功,個汁真係好正,下次炒香d洋葱試吓先??

補身--牛蒡蟲草花瑤柱冬菇紅蘿蔔焗飯

妹妹最近常要開會,比較忙,焗個補身飯給她,本想煲蟲草花湯,但突然諗加埋落飯咪仲補,真係好正,妹妹話超好味

 

牛芳刨絲,浸兩至三次水

炒香材料加3嘜飯,水,2湯萬字醬油,少少糖,少少鹽,焗起我偷食呀

嫲嫲靚湯--白鰂天山雪蓮紅蘿白南北杏淮山無花果湯

 

小妹而家好喜歡用天山雪蓮代替粟米煲湯,煲粉葛湯都會加,真係清甜到呢,嫲嫲好喜歡飲白鰂魚,加埋落去仲鮮甜,推介比大家

下火牙痛湯水--芥菜魚骨湯,豆腐葱段魚骨湯

 

豆腐葱段魚骨湯
小妹近日受着牙痛困擾,我係火旺人,所以每年都會有幾次係咁,上火到牙肉痛,好辛苦,成個人會好累,又咬唔到食物,搞到個人好鬱咁,呢幾日飲了這兩款湯,同食埋好朋友叫我煲皮蛋蠔士粥好番好多了,而家係個人好累同仲有少少痛,希望快快好番,我近排好喜歡買鯇魚骨煲湯,因老闆知我喜歡,係新鮮檔留比我,所以一點都唔腥,同個湯更甜,,每次要買3條先夠甜架,煲完d骨父親最愛食,下次煎香比他食先

秋葵西芹紅椒粟米仔炒燒肉

 

 先用油鹽糖焯佢1-2MIN,再炒佢就可以,我係用魚露,蠔油,少少雞粉,蒜粉,糖,燒汁炒佢,因仲有燒肉香,所以秋葵特別好味,沾食要焯至少4-5MIN,要看佢大少而定,最有效係試食佢熟唔熟
之前看肥媽節目認識秋葵,再見blog友moonmoon炒得好正,同朋友行吉之島買羊架時見有泰國秋葵買,一盒盒好靚仔,唔知家人喜不喜歡食,但因佢好有益抱住試吓心態買嚟試,第二天即焯條食,沾妹妹係韓國買沙律菜汁食,嘩,正到呀,妹妹都話咁想好正,但父親唔會沾沙律汁食嗎,咪用佢買回家燒肉炒,一樣好味,但我冇切嚟炒,因怕佢d黏液,原條食落口感唔錯呀,但我喜歡沾沙律汁食,好夾酸酸甜甜味道,正,個個都話好食,小妹想打邊爐加d落去食都唔錯喎.