標籤

2013年7月31日 星期三

消暑下火湯--綠豆百合蓮子淮山章魚果皮豬骨湯


食熱氣食材要飲下火湯,本想食蓮藕綠豆百合,但冇得買,有都唔靚,就咁呢幾加多數片淮山一樣好飲.

2013年7月28日 星期日

鮑汁雞腳汁炆珠豆豬軟骨

 


 
 個軟骨位超膠質,張住張住咁,好過癮....
天去沙田總廚飲茶,要了鮑汁雞腳,個汁超超入味,又夠多,咁我想起家中有份豬軟骨,即打包回家炆,正到冇得頂,因個雞汁己好夠味,個汁係米線或烏東一流

2013年7月25日 星期四

土伏苓牛大力生地竹蔗海玉竹南北杏水


香脆芝士薯仔片

呢個係在外國電視學,將薯仔慢火煮45MIN,不要過熟,過熟切片時會散的,過冷河,切件,煎香脆就可,新鮮煎出嚟真係兩面都好香脆架,好推介做小朋友小食,但真係要襯熱食.


 

 
 

2013年7月24日 星期三

上海燻魚

係上海食店一定會食過,但自己好想整,佢個味真係好正,一定要有鹵水料味,因配合個炸魚好夾,係化學作用,家人話非常正,不過真係要即整即食,個魚皮好脆口架.

先煮個汁,用芫茜頭,炸薑片,蒜片,乾葱,老抽,黑糖,雞湯,五香粉半茶(若冇可加八角,桂皮)煮要滾,焗至涼,味道係要偏甜,帶少少咸香.


鯇魚用蛋黃,少少雞粉,蒜粉,胡椒,魚露,麻油醃半日.(不要醃過咸呀)


鑊中下1茶油,放葱粒,芫茜,炒香,下鹵汁,回魚件.

 
 可以收乾汁食,但我家人話半收乾會脆口好多,同d汁加埋魚件係好香,甜中帶咸鮮味,佢哋汁都伴埋食
看,我即時食,好脆架,個魚皮好好食呀.....................
我唔知正唔正中,我係憑自己在出面味道調出來的啊,家人都話係呢個味道就得啦,

2013年7月23日 星期二

單骨鯷魚雞翼




最近好愛鯷魚,咁小妹樓下開了間759阿信屋,佢哋鯷魚平過citysuper,15元一樽,好底用,多數用嚟整番茄意粉,咁又想吓仲有乜好玩,見雪櫃仲有8隻雞翼,咁少,就分開佢一半,加鯷魚醃佢,當佢係魚露咁用,加少少糖,炒香蒜粒,乾葱粒,蛋黃1隻醃佢最少8小時(因試過醃4小時取出煎不太夠味),煎香佢食個個讚不絶,話咁想整好入味之餘仲有鍾魚香,現在係小朋友放暑假季節,呢個當小食超正呢.
 

沖繩咸牛肉蛋紫洋葱炒飯



 
落兩濕濕冇人胃口,加多個炒飯開胃吓,呢隻咸牛肉唔錯,係一田百貨做推廣買嚟試吓

2013年7月19日 星期五

四季豆炒桂花球片

 

 

 
本來買金鑪起片,但佢冇,咁轉桂花試吓,以前聽人話桂花炒得唔好會好"梅",同怕佢有泥味,所以好少食佢,但又好味喎,食落好滑同魚鮮味,可能係新鮮原條起肉,魚佬比多條魚骨我加埋桂花魚條骨我煮湯整冬瓜湯飯,咁又有兩個餸啦,個湯仲正到不得了,夏天食夠啦

2013年7月15日 星期一

california pizza kitchen









pizza麻麻地,芝士不夠多,有點燶,但好大份架.

 
 但個意粉超水準,蝦味濃,意粉有濃濃蝦湯味,又夠熱,汁又正,連d油份都好好味架.

 

 

我哋要大份蘑菇湯,大:49 小:36,又係正,係磨出來蘑菇,夠creamy好夠濃,...好飲,分開3碗己好飽啦.

會再去,但唔會選旺角分店,因服務員態度麻麻,下次我哋試食佢哋意粉同小食仲好.


 

 

 

 

2013年7月14日 星期日

la terrazza

14/7去食,佢前身係"天幕",現在改咗名,同內裏光咗好多,以前係半自助式,現在不是,係正式午餐.

 

地圖
沙田源禾路1號沙田大會堂天台花園





每個餐加15元有湯及沙律







唔記得影湯,係磨菇湯,佢係真磨菇打碎加cream,好好味.
1)三文魚沙律係用羅馬生菜,份量夠,個汁好正.
2)蒜香藍青口意粉,青口不太好,太細隻,但個意粉好夠味.
3)牛肉漢堡,好大份,自己一人係食唔晒的,薯仔超好食.