鮮百合蓮子馬蹄瑤柱瘦肉湯

家中各人輪住嚟病,傷風感一齊上,蒸洋葱汁妹妹初起時飲了3次真係見效,前天媽媽早上突然眼紅到嚇c我,即帶佢看醫生,原來細菌感染至眼角膜發炎,好在今天好番有7成,我心都安心d,呢個湯係鄰居介紹比我,用成份係街市買回鮮百合,馬蹄20粒,蓮子,加3粒瑤柱,瘦肉,煲起個湯好鮮甜,所以要介紹比大家飲,材料簡單但好好飲架,煲起湯係白色好靚架,下次我會加d洋薏米,有d野咬吓仲正

金銀蒜蒸龍躉腩

 見魚老新開龍躉腩,就買係腩蒸,炒份金銀蒜放面蒸,鮮味到不得了,但龍躉腩一定要知道魚檔新鮮,若不是蒸出嚟係腥架,因小妹試過,同新鮮檔係唔同架,最正係佢塊皮,好骨膠原呀....

牛骨湯包煮火煱牛肉片糖心蛋米線

係一田買咗包牛骨湯包,但唔知攞嚟整乜,就用最簡單方法,整幾隻糖心蛋,煎香火鍋牛肉片,牛骨湯煮米線,整多碟菜,就成了我哋晚餐啦,但哋隻牛骨湯要加鹽,因係冇乜味架,但好有牛味,我想用嚟炆淑儀姐姐的清湯牛坑腩都一流呀,不過我家輪流感冒咳,要好番先得呀,天氣變化大,大家都要保重呀

果皮蒸泥鯭仔

 

 

之前去魚檔見到有我喜愛細細條游水泥鯭仔,即買,大條冇咁好食架,真係超滑,現在想起都回味呀,又要日日去八吓有冇得食先.

自製白汁磨菇燴雞

之前整開白汁雞多數係用金寶,但有次去食意式餐廳有位太太講佢用盒裝忌廉整白汁仲好味,咁我又心思思想整,但一直都唔記得買忌廉,前天突然好想食即買盒整,我本身係唔愛奶類,但呢個整起真係好好味,係同出面白汁煮意粉味道,伴飯意粉食一流,我係用100ML忌廉加450雞湯,用煙肉,洋葱炒,材料有白菇,番茄粒,雞扒,大家有時間一定要整吓.

日式味噌蒸蒜蓉薑絲穗香雞脾仔

家中有盒味噌,好多時都用嚟醃肉同炆,今次用味噌,魚露,鹽醃雞脾,再炒香蒜蓉放雞底,加炒香葱尾,蒸15min,焗10min,取出切件,再煮熱汁淋面,我仲炒了薑葱伴食,真係好正,同呢隻雞好滑,係一田買的,之前鹵水雞脾都係用佢.

冬菜冬菇肉餅煲飯

我第一次整煲仔飯,好好味呀,原來咁樣成煲食好過癮架,同有飯焦架...

 

節瓜章魚瑤柱冬菇花生眉豆豬尾骨湯

真係唔好講笑,小妹真係咳足一個月,仲要係晚上個喉嚨痕同肺抽搐咳醒,同有痰咳,真係困擾得我好緊要,只看了一次西醫,之後用中藥調理,湯水不斷重覆係龍利葉青覽雪梨水,竹庶水,虎乳靈芝川貝百合杏仁無花果水,同每天焗烏梅菊花甘草茶...乜野可以舒緩咳都試吓,最麻煩唔知自己乜咳,係知道晚上喉嚨痕到咳醒好辛苦,冇覺好睡,早上當然燥啦....又冇胃口,真係煮完自己都冇乜食,所以冇乜力氣,但都要迫自己食碗白粥,唔係冇力咳呀...心情超差,但好在過咗1個月今天好番好多,所以煲番個正氣好味湯水,妹妹話好耐冇飲過咁鮮甜湯呀.........哈......

鮑魚撈麵

開咗罐網鮑,以前多數用裏面鮑汁炆送或伴生菜,今次我加多少少美味棧鮑魚汁,再加5個蝦子麵吸收鮑魚汁,正到爆,咁樣真係鮑魚撈麵.

燒汁鮑魚

呢個係跟網友mable 整,新鮮大蓮鮮鮑魚用牛油煎熟再淋日式燒汁,真係好鬼正呀.......................