標籤

2014年1月27日 星期一

蒸鮑魚


 





 
之前鮮鮑多數都係煎,今次試吓蒸,一樣好食,但唔點解呢隻唔太鮮味,下次試吓其他鮮鮑先
呢隻細隻,蒸3-4min開蓋淋熟油少少豉油已夠,因我炒咗蒜,乾葱伴少少xo醬伴鮑魚蒸已有底味.

馬蹄糕





 
馬蹄糕一直都係買出面,因感覺好難整,最怕係尾要伴均步驟,自己經驗淺同論盡,怕會伴到起粒粒,有次游到blog友moon整馬蹄糕,佢個方法係跟jacky yu,最喜歡佢最尾唔係要開住火伴均粉漿,又唔洗加其他粉,夠方便,媽媽係好愛食馬蹄糕,咁今年自己試吓,成功咗,煙煙un un好正,我鍾意煎食,moon仲自己減糖好合我哋怕甜人仕,家人都好愛呢個甜度,大家又參考吓,我都得你哋都得,同埋moon教得好好呀,謝謝你.

http://www.moonmoonkitchen.com/2012/01/blog-post_19.html


http://xiyanjacky.blogspot.hk/2011/02/blog-post_7.html

2014年1月16日 星期四

芽菜蟹柳蛋絲炒金邊粉+菠菜洋葱炒火鍋肉片


星期六妹妹想食炒粉,加多個小菜就夠我哋食啦.

瑤柱燴大芥菜

我家都好愛食大芥菜,佢甘甘甜甜食落唔錯,我家不太愛用排骨...等炆佢,多數係放魚湯伴食,今次想用瑤柱燴佢,應該好夾味,瑤柱先蒸,再用蒜片,雞湯,水,煮個瑤柱汁,我加咗2湯美味棧鮑魚汁,芥菜要先出水至6成淋,炒一炒佢灑酒,加少少水焗至自己喜愛淋度,尾淋個瑤注汁即可,家人個個都話正,仲好鮮甜,個汁拌飯好正.

2014年1月15日 星期三

豉油煮穗香雞脾仔






天氣真係凍到連寫blog都冇乜動力,希望快快回暖少少啦....,係一田見有呢隻細細隻雞脾仔,好得意,即時想用係煮油煮佢成隻食,好啱現在天氣食,啖啖肉,同埋個汁好入味,拌飯一流,快d攞隻食啦...,
雞脾用少少鹽醃一醃做底味,先煎香表面金黃,煎香蒜片,薑片,乾葱,芫茜頭,葱段,下25ml紹酒,再下汁,2大湯蠔油,3大湯生抽,1大湯老抽,1大湯魚露,冰糖,加至200ML上湯,煮滾,回雞脾,細火每邊10MIN,關火焗30min,倒汁在另一煲中煮滾,再回雞脾仔中,重覆一次,咁樣雞脾唔怕煮過火呢..

2014年1月7日 星期二

茄子班腩煲


 

 
買到件好大班腩,本來想蒸粉絲,但又想整吓煲仔菜,就伴茄子,個汁係用冬菇加蠔油,少少鮑魚汁煮成,煎香班片表面,回汁煑至熟同收少少汁,最係伴埋炸過茄子就成煲上,咁樣熱辣辣食好正,個班片個皮一樣好膠質,看上圖,呢片係煎比媽媽食住先,佢好肚餓,以為係豬皮呀,一上卓個個食咗呢個先,但要小心,茄子好鬼熱架....

2014年1月5日 星期日

雜菜煲+鯇魚件鯪魚肉芹菜粒粥

 
 

前一排太凍,多數用煲上,蔬菜都係揀些可以成煲上,如圖下:旺菜+菠菜好夾味呢,同食粥次數多咗,因熱辣辣嗎,記得上星菜日真係好鬼凍呀........
 

2014年1月4日 星期六

桂花魚兩食--魚湯大芥菜+西蘭花炒桂花球




 

桂花魚骨滾湯煮芥菜好甜,但芥菜之前要出水,去除一些佢獨特味道,另魚球炒西蘭花好夾味