芫茜頭芹菜鴨腎蠔士豬骨粥

芫茜頭好解毒,每天買2-3元芫茜,取起上面頭儲起,儲一星期煲粥,今次加埋芹菜,新年食得蝦多,煲番呢個粥食安心好多,最尾加多隻皮蛋,正.....

雜錦炒粉絲

太貪心啦,乜都想落,粉絲只係落一個,但一樣好味.材料有火煱肉片,白蘑菇,芹菜粒,芫茜,葱粒,蛋粒.

蒸深海泥猛

過完年有海魚食啦,好開心,一見深海泥猛好新鮮,食佢先,哈.....呢兩條要50元呀,但見家人食得好滿足呢......

西芹炆黑椒咸豬手

年三十本來去一田買雞來''摘'年,但冇得買,咁我買咗隻己焗黑椒咸豬手都可以的,過完年本來就咁切開炒,但感覺好un,媽媽可能咬不到,咁我有份西芹,加紅蘿白,洋葱炆佢1小時,上卓時真係一切就開,好淋,皮好有彈性,好多骨膠原,家人話咁想炆起仲好過就咁炒,因就咁炒d'豬根'位係好un的,媽媽牙不好係好難咬,炆好'根'位好淋滑,咁樣想個汁又好味,同埋由頭到尾都食晒,好滿足呢

海芝麻班

新年前食的,好好食,係魚佬仲介紹,佢話唔係成人有海芝麻班,呢條要140加,但真係好嫩滑,有魚味,好快清晒,連汁都好味過人.

初七人人生日晚餐

人日晚餐--蓮藕章魚綠豆百合紅蘿白豬骨湯

鮑魚會伊麵

 

                                                                    鹵水雞翼糖心蛋
                                                                       青瓜炒黑魚丸
                                                                   上湯蝦米唐蒿旺菜煲
                                             唔係好豐富,都準備半日架,但個個食得滿足,祝大家身體健康.
                                              鮑魚會伊麵:伊麵出水30秒取出,炒香一個洋葱至金黃,冬菇用蠔油伴好蒸熟,罐頭鮑魚汁內加多1湯美味棧鮑魚汁,半湯糖,鑊回洋葱,冬菇,下伊麵,分2-3次下鮑汁至麵吸收晒,面放回罐頭鮑,呢隻安記牌子罐頭鮑好好食,每年都會買過年,有12頭同6頭,一樣好味.

蠔士鴨腎瑤柱豬骨粥+上湯蝦仁燴伊麵

 

新年個個想食伊麵同粥,家中有蝦,先用蝦頭,西芹,乾葱,煎蒜片煮湯,洋葱一個炒至金黃,本菇用蒜粒,牛油炒香,煎香蝦仁,取出,倒去多餘油份,回出水伊麵,全部配料,上湯約有300m,燴至收8成湯,下葱粒,蝦仁煮至收汁,即可,我加咗2湯鮑魚汁,伊麵吸收晒蝦汁精華,好快ko晒,伴粥食,正....

 

003

年年有餘----波立

呢隻海魚好好味,大家試吓

花膠冬菇鵝掌

臨近新年會想起賀年菜,呢個菜式係全家愛,炆起個汁我最愛,食完皮膚滑滑人人愛,哈.....

馬碲糕

 

上年做糕仲有半盒馬碲粉,只係自家250G份量己夠,加180G糖,20粒馬碲,係減甜版,但好啱家中老人當零食食.

味噌湯底響鈴魚太旺菜唐茼煲

不得了,妹妹食響鈴上癮,每有菜煲都要浸食,但我堅持自煮魚湯煲唔淮放,因響鈴朲本身有油份,魚湯吸收油份再食冇益,但今之次係日式味噌湯包,加多盒豬骨湯煮菜煲,湯底唔飲就唔怕,若打邊爐浸一浸取出食,係脆口,但我係煮滾湯煲放係面浸,都一樣好味,各有各食法,好夾味噌湯底,呢包係一田買\特價19.9,好香濃,唔錯.

煎蓮藕片肉餅

材料:芫茜莖,蝦米,臘腸,炒蒜粒,乾葱粒

 

媽媽好愛食出面煎蓮藕餅,但佢話想食薄d,咁自己整比佢試吓,一食愛上,同好香脆,讓的肉唔係好多,咁食落唔會肥膩,面有點黃係家中有隻蛋黃,我塗埋係面煎,香好多,煎好兩大盤食晒呢......

軟綿綿蘿蔔糕

 

軟綿綿蘿蔔糕係我媽常說,隔一排我冇整就話要食軟綿綿蘿蔔糕,佢係愛食蒸好時似糊仔蘿蔔糕,但當雪起時係實番少少身,煎起嚟食裏面都係軟綿綿架,我份量係3斤半蘿蔔(己去皮),120g粟粉,80g粘米粉,蒸係真係好軟身,所以她不太愛食出面蘿蔔糕,唔啱佢口感.