甜心屋: 5月 2015

2015年5月30日星期六

消署健脾湯--冬瓜鮮淮山冬菇蓮子無花果西施骨湯

係廚房---焗爐一樣...真係救命.....煲番消暑湯先,加埋鮮淮山,父母親可以食埋健脾,湯仲好甜添...

2015年5月29日星期五

鹵冬菇豬皮一字骨

http://leungngasum.blogspot.hk/2015/04/blog-post_30.html

之前試整過豬皮鹵腩肉粒,個汁家人好愛,咁話整一字骨咪仲好味,我又試吓,果然,骨好香鹵水香味,因係用之前台式鹵肉汁方法,有炸乾葱,炸蒜,蝦皮,個汁當然係香啦,我照加埋豬皮炆,個汁好有膠質感,媽媽好留番3件連汁第二天整排骨鹵麵食,又見佢一面食一面笑啦.........

2015年5月26日星期二

蒜粒芽菜豉油皇炒麵

食極都唔厭,加埋蒜粒仲香口,正,當晚係配粥食,仲正呢.............

芥苿煎羊架

一田減價,澳洲羊架原39.9100g,現29.9,100g,買4件原150,現95,底,用番自己之前方法,芥苿,芫茜頭,蒜頭,乾葱,炒埋,加芥苿醃1晚,煎香,我冇得享用,因我唔食,係妹同媽受惠,食到佢哋好開心呢....

2015年5月19日星期二

花甲浸勝瓜

買到一份好新鮮花甲20元,當然想起勝瓜,個個讚湯底超甜,我用水加咗1粒大瑤柱,少少蝦米,大地魚粉煮湯底,冇落鹽架,湯底比家人清晒就知有多鮮甜啦

細鷹倉兩食

係街市多數見到大鷹倉,大起上嚟會切件買比人,有時仲好貴添,但多數好滑,蒸,煎一樣好滑今次係街市見到細細條鷹倉,8元一兩,開心c我,因好耐之前食過,今次見到買咗4條,要160元架分兩天食,一天蒸,一天煎,上卓一樣好快清,我同妹多愛煎,但老人家愛蒸,咁樣咪皆大歡喜啦,超好味滿足呀.................................

2015年5月17日星期日

香煎丹麥洋葱豬扒

今次整扒餐比妹同媽嘆,呢隻丹麥豬她兩話超好食,肉香之餘又軟淋,我係先用牛油加橄欖油煎香扒,取出,剩下少少豬油,加麵粉變少少糊,下200ML上湯,炒香洋葱(我每件豬扒用咗1細個),少少燒汁,汁杰淋在豬扒面,仲有薯仔件的,冇影,洋葱汁沾薯仔好好食架.

2015年5月16日星期六

蝦仁菠菜煎蛋餅+豬肉丸瑤柱粥

本來係一次過煎餅,但因煲咗粥,媽媽突然想食一個個餅送粥,咁我將蝦仁切粒一個個煎比佢食,連妺妹都大讚,

那天係豬肉丸瑤柱粥

茄子伴煎豬肉粒

茄子點整都好食,煎好豬肉粒,吸油,伴己炸好吸油茄子炒,下2湯燒汁,少煻調味己好好味.

2015年5月15日星期五

蟲草花冬菇瑤柱蒸多寶魚

新嘗試,一樣好食

2015年5月14日星期四

百佳黑提

大家係百佳留意吓,呢隻黑提17.9,好甜好好食,認住個綠色面呀

洋葱炒牛肉伴熟荷包蛋

常見網友整炒牛肉伴蛋,妹妹又想試吓,整比佢食,一食大愛,她說蛋黃穿流入牛肉中係好好食的

剩少少牛肉,媽第二天食法,牛肉炒芽菜,伴炒蛋餅食,幾識嘆呀

2015年5月13日星期三

包裝risotto牛肝菌飯

貪玩買咗包方risotto飯,自己浸牛肝菌,用牛肝菌水煮,水妁要1000Ml,原係用600ml,但媽媽要食淋身,加多咗水,原水係會煮得煙un些,尾加芝士碎係好好味的

牛油芝士蘑菇汁伴煎豬扒

之前自己調到想要芝士汁味,伴埋煎豬扒,正

夜香花豬潤瘦肉水

豬潤以往都係一齊滾,所以多數係硬,今次學肥媽,先浸鹽水1小時,再醃生抽,麻油,生粉,先滾起夜香花瘦肉,到個個飲時才焯豬潤1MIN,尾下蛋花,嘩,豬潤真係好爽滑,剛剛熟,呢個口感人人愛,但又好恨它唔敢食太多,膽固醇呢..............

xo醬味噌金銀蒜蒸腐竹大魚頭

母親節整了媽愛食羊架,但父親唔食羊,咁整個他愛魚頭,底放腐竹,蒸起父親話好正,我就愛食吸收精華腐竹,那天個個都有嘢啱食啦...........

2015年5月12日星期二

煎豬脾

家中没有焗爐之類用具,第時有自己家庭我一定會添加呢....媽媽愛食脆豬脾,我唯有用煎pan煎香,一樣可以,先用八角,香葉,花椒..出水30MIN,再要用1小時煎香脆,真的,要有耐性架,豬皮一定要脆,有時煎唔豬皮到地方要用水煲"long"高,但又整到,佢哋食得好開心,媽媽轉揀脆皮食,我話唔好食唔多,膽固醇呀,佢唔聽我講..........