龍島babylu甜品杯

好開心呀,終於買到啦,小妹係因為呢個杯而瘋狂,早3個月係雜誌見龍島推介話只要係科學園龍島買朱古力飲品就可以連本杯一齊帶走咁小妹咪去打個百鴿轉,怎知佢話未出,弓小妹多麼失望,員工話可以上他們facebook問吓,好在好快有人回覆,佢話製作中,一出會公布,咁我都放心,同好開心佢哋咁快答覆,26/6終於有啦,原來以甜品杯型式出,仲唔洗只係科學園有,係間間分店都有,不過數量好少,最好早些買,佢係兩種

1)BabyLu甜品杯 - 士多啤梨軟芝士

士多啤梨軟芝士蛋糕以精緻 BabyLu杯子盛載, 面層以新鮮士多啤梨及金箔作點綴
食後感:小妹愛呢個味,酸酸地,好開胃,雖話係芝士,但唔膩,食多杯都可以
2)BabyLu甜品杯 - 楊枝甘露慕絲
楊枝甘露慕絲以精緻 BabyLu杯子盛載, 內有新鮮芒果粒、酸甜金柚肉和芒果慕絲及海綿蛋糕夾層
食後感:唔太甜,媽媽好愛,因佢愛飲楊枝甘露,太甜唔啱佢,呢個佢極愛.

我第二日用隻杯沖咖啡飲,開人c我啦

哈密瓜無花果南北杏豬展湯

呢個湯原來真係好清甜架,買了個唔太熟,食咗一半,一半煲湯,飲完好潤,家人話下次都煲喎

昨天小小意外,廚房地下有水,自己係一個心急人,得路真係唔帶眼,成個人冼係地上,因怕會傷頭,所以pat pat位同手爭落地,手爭即時血如泉水,嚇到媽媽係咁倒破痛油係牛我手,因成手血,唔知傷口多大,只係想止血先,止到即包紮,最緊要我懂起身,因真係跌得好金呀,過咗2小時手爭可以動,洗一洗傷口,好在1cm長到,唔深,但晚pat上位好痛,原來腫咗一大舊,又瘀黑,又係咁搽藥油散瘀,今日手可以動,係pat位要不斷搽藥油,大家真係要小心家居意外呀.

浸魚

有次係酒樓聽人話浸魚好滑,咁原來書中都有說,膽粗粗又試吓,買咗條好靚藍班,住約一斤重,係水中放了葱,蒜粒煮至好滾,放魚,蓋蓋,開最炆滋火每邊煮3分鍾,關火焗多12分鍾,淋熟油,豉油,書中話就咁浸,但魚內厚,咁我炆滋火煮至水回熱,再浸,咁樣魚真係剛剛熟,家人大讚超滑,因水熱一放魚佢會鎖住魚汁,魚腥會隨水流走,大家要自己看魚肉厚身定薄身,薄身浸10min,厚身要浸多一陣,自己係抱住第一次唔得就下次努力心態就會可以,樣樣都玩下,大家可買條平平地魚試下先.

煎焗美國薯

一田有得買9.9有3個焗薯,妹同媽好愛食麥當當焗薯角,自己又試整,咁我先鹽水煮15min焗20min,取出放涼,切粗條,油中加橄欖油,中慢火煎至四面脆身,灑少少鹽,嘩,唔夠一陣好快清晒3大個薯仔,家人話我咁整又脆又粉糯,超好食,但真係要即整食,凍咗冇咁好食,同係家整用好少油,夠健康,媽媽話間唔中咁整比佢做小食

香煎五花腩伴半熟荷包蛋

天氣大太熱,有時水煮件五花腩至熟,加鹽醃放雪櫃,食時煎件沾蛋黃煎香,咁媽媽話不如煎隻半熟蛋一齊食咪仲正,佢記得上次我炒香火鍋牛肉片伴半熟荷包蛋食得好滋味,又啱喎,真係正喎,咁以後我哋煎五花腩就要加埋半熟荷包蛋啦

ps:之前係會鹽醃一醃五花腩才煮,但有次唔記得醃件豬之如,媽媽以為就咁加清水煮熟,,其實我係話加盒上湯再加清水,唔打唔撞件豬係冇味,咁我咪加鹽醃佢一天才食,又好味喎,件豬仲超淋身,可能乜都冇加咁煮件豬係會鬆軟,鹽醃佢會實咗d,唔知呢個理侖係咪正確,我一直都係咁做了,大家當參考吧

白鰂大豆芽蠔士雪耳湯

 

本來買開街市大豆芽,可能太熱,休息,咁有位鄰居話百佳呢隻大豆芽好脆同爽甜,又試卟,起碼佢唔會要長浸係水中嗎,買番嚟放係雪櫃,真係得,佢好多鬚,我切佢時己感覺脆身,煲起湯好甜, 煲完係淋身,但鄰居話佢炒,咁大家若有緣見到又試炒,或涼伴一樣好食架,我呢包原12.9,特價6元,一樣好靚,但要周圍看一看有冇爛啦.

石九公合掌瓜湯

 

煲比嫲嫲,超甜,同好有益架

迷你洋葱豬肉mozzarella芝士片漢保

 

買了呢款芝士片,佢係可以整pizza,但我想試吓包漢保,父親唔食得牛,所以只用豬肉,嘩正,好好食,呢隻芝士掂呀,因上卓好快食晒,我影自己個粒咋,但心急想教大家,係豬肉,加洋葱粒,少少紅蘿蔔粒,蛋白,生粉,芥苿,少少鹽,糖(因芝士本身有咸味)撻至起膠,芝士我分成好細粒包,我呢個係半片包一個,大家有時間試吓.

上湯蛋白鮮蝦腐皮卷

本來整煎腐皮卷,但媽熱氣,咁我用上湯,芹菜粒,芫茜粒燴一燴,雪櫃有隻蛋白,加埋落去,媽話個汁好好食

煎焗鮑魚

呢隻鮑魚係星期六買定,因星期日有事做唔得閒,當天晚上取出時佢仲係咁郁,真係勁新鮮,我係食飯時才去殼,用生粉水洗擦,切花,牛油大火每邊煎30秒 面金黃,取出,原鑊下芹菜粒,紅椒粒,芫茜粒,汁:蠔油,糖xo醬,少少魚露,水,生粉,回鮑魚煮至汁杰身,上碟,可能我快煎,咁樣整真係好淋身,父母親牙不太好都話好夠淋,又有鮮味,正正喎,

父親節晚飯

 

 

中途至記得影相,見邊碟少咗就知佢哋愛食邊碟呢....

 

小食:車打芝士蘑菇

湯:夜香花魚湯

煎焗大鮑魚

青瓜炒蝦

勝瓜炒拜神咸雞

 

對於父親節,我哋只會放在心,不會常掛在口,心內係愛他,但由細到大可能父親好大霸氣,所以個個都會怕化他,但係愛他的,希望他滿意我煮平常晚餐啦,真係煮到成身汗架,父親對個芝士蘑菇超滿意,話好多汁,鮑魚又夠淋,見佢邊食邊笑就知佢滿意呢.........

 

紅衫魚瘦肉夜香花

夜香花有清肝明目,飲完會眼仔睩睩,加紅衫魚滾湯超甜,正.

煎焗車打芝士煙肉蘑菇

小妹媽好想食芝士焗蘑菇,但冇焗爐怎麼辦??,可以的,但時時耐點,我買係細細件啡蘑菇,先去蘑菇頂,鑊一牛油,底向下(有頂位),先細中火煎3分鍾,反轉放少許炒香煙肉芫茜,面放半片車打芝士,加水50ml,蓋蓋細火煎焗約15min,至水乾,關火焗5MIN,再開火,好快手咁反一反芝士位向底煎一煎,又好快手反回正常(我係試咗好多次),咁樣芝士會好好食,真的可以,你看切開芝士蘑菇,好多汁,我煎咗10粒好快清,家人用刀叉咁食,媽媽食得好滿足,係咁話好多汁呀,但好熱呀....成功了,係值得的,我現買定蘑菇隨時有得食呢.

父親節快樂

炒沙蜆

未炒過沙蜆,又試吓,但唔夠花甲鮮甜,同媽媽話有點"un",係咪我炒得過老呢,但妹妹又話好食喎????