老少平安

好耐冇整,今次買板豆腐,但覺麻麻,之前係用包仔豆腐,滑好多

濃醬肉未四季豆

自己濃醬其實係新加坡老抽(比較杰身),因媽媽愛甜甜地,加多少少糖煮肉未,好好味架,若加埋冬菇粒煮米粉就己係一餐,但今次我伴四季豆,送飯一流呢.

九菜乾貝豬肉餃

先多謝美味娘娘,因有次看了她facebook說煎餃子方法,炒下方法但未有整,今天媽媽話想食九菜餃,咁又試吓,果然煎得好靚,同好好食呀,大家又試吓

鑊先下油,放餃子煎一陣,下水,蓋煮3分鐘,倒去水份,再下少少油在餃子邊位,再左右兩面煎焗至金黃,因係生豬肉,至少要煎煮焗10分鐘才熟呀.

材料:半肥豬肉碎10元,九菜2元(加少少鹽出水,榨乾).乾貝粒6粒,蒜蓉3粒,芫茜莖粒2湯,薑蓉1湯,大地魚粉,生抽,雞蛋半隻,糖少少,

煎/蒸瑤柱馬蹄鯷魚肉餅

 

家中兩位活寶貝,一個要食煎肉餅,一個話食蒸,得.....,一次過滿足佢哋願望,家中有罐鯷魚,本來肉餅我會加少少咸魚會提鮮,但用晒,想起鯷魚,咪即係外國咸魚,照用,得呀,一樣好正,但鯷魚點都有魚腥,會用薑蓉,蒜蓉,乾葱爆香炒鯷魚至聞到香味,放涼才放回肉餅伴均,買20元水展加少少肥肉挆碎,咁就比佢兩老清晒呀,整 完兩位煎同蒸都一齊有食,話兩樣都好好食喎,煎佢哋沾我自己調教芥未蜂蜜沙律醬食,比佢哋笑c....我.呀............,香港黃雨,但妹妹德國那邊晴朗,熱,所以相片又係藍天白雲,真係要感恩,雨天怎樣影呢.....

節瓜木耳咸蛋肉片湯

妹放假,要去旅行散吓心啦,今次同同事揀歐洲那邊自由行,德國,羅馬,荷蘭.....,行程半個月,佢話物價好高,但環境真係好美,影回來相片都好靚呀,我叫佢乜都唔洗買,最緊要樣樣小心,平安,玩得開心,就可呢,呢個湯好甜,父母親又可食埋木耳呢....

 

冬菜冬菇肉絲蒸馬友

家人話我好耐冇整,水準一樣,鮮甜好送飯,我愛這樣蒸馬友,好好食...

太興新推出石班魚柳餐,魚味好過某大型餐廳龍利柳,有時淡咗少少,佢脆漿好好食,35元唔貴,但有時大件有時細件囉........人多要等耐少少呢....

節瓜蠔士乾貝眉豆洋薏米西施骨湯

湯好鮮甜,現流感勁,大家又成日出入冷熱地方,易傷風,湯會常加葱白6條,蒜頭半個,芫茜頭,湯煲起唔會有怪味,係有湯料香甜,呢個方法己三年啦,,父母親好彩暫時都有大傷風過,大家又試吓

炸鮮尤

 

好愛食鮮尤,父母親麻麻,買細細隻整比佢試炸,魚悠佬話先焯30秒,取出,吸乾水,少少調味,沾生粉,油熱炸至卷起,見佢顏色唔深,但妹話好好食,又夠咸香,外面係脆架,間唔中整比佢做小食啦,

牛蒡淮山粟米紅蘿蔔雪耳南北杏無花果鴨腎西施骨湯

小妹喉嚨不太舒服,牛蒡可解咽喉病,加埋潤肺料大家啱食,小妹會用埋粟米衣,粟米鬚,打個結煲埋湯,可降血糖,有益之餘又唔好浪費嗎.

韓國煎餅粉菠菜芝士蛋餅

小妹有時買埋粉類唔記得咗,好在細細包,差不多到期,現在要清,咁最好係整菜餅,呢排輪流整,青瓜,苦瓜都有整,但我最愛食菠菜餅,好夾餅粉,10兩菠菜先出水1分鍾,榨乾水份切粒,配料加咗磨碎蒜粉(6粒)乾葱粒,煙肉粒,櫻花蝦,先炒香,伴落芫茜,葱碎,加4湯韓國煎餅粉伴3隻蛋,車打芝士切碎全伴埋,油熱放料,先中大火,再細火焗5MIN,反轉另一面,又再煎焗5MIN,至成蛋餅型,現在夏天不太想食肉好啱食菜餅,健康又有益,我最愛沾番茄醬食...哈....

味噌黑魔芋洋葱紅蘿蔔粒炆雞脾

 

 

日式黑魔芋對腸胃有益,間唔中都會整,今次用成個洋葱炆雞,黑魔芋本身冇味,但有汁吸它就會好好食架,同呢排流感勁,整多點蒜頭,洋葱...對身體好

蟲草花雲耳豬潤杞子蒸雞

之前煲夜香花豬潤瘦肉水,剩小小蒸雞,好食,個汁好正,

苦瓜粒芫茜鯪魚餅

好耐冇整苦瓜魚餅,係有年係酒樓食過一味係苦瓜魚肉蝦餅,好好食,係家人夏天愛食,苦瓜切粒,出水,榨乾水份,伴芫茜碎,葱粒,魚肉,煎香,食得,大家試吓,一點都唔苦架,我哋覺冇架蝦膠一樣好食,大家可加些,仲香呀

鮮番茄鯷魚意粉

家人係要食多多番茄汁意粉,我用咗3大個甜番茄,蒜粒,薑粒,半條紅蘿蔔粒,1條西芹粒,3條鯷魚(有咸味,所以鹽份量要調節),2湯番茄膏,上湯加水煮番茄汁,所以汁係好鮮甜,尾用一片車打芝士令汁杰身,同提升鮮味,真係好食好多,尾會落芫茜粒,番茄有茄紅素,呢排天氣好飄忽,好易傷風,食番茄可預防吓

芫茜蠔仔煎餅

本來買鴨蛋,唔記得咗,用番雞蛋,蠔仔係先用生粉水每粒摸過有冇殼,蠔仔伴一伴番薯粉,煲熱水,放蠔仔(呢個係係電視學,話咁想蠔仔會有層薄膜包住),細火開多1分鐘至見蠔仔脹大,取出,蛋放1湯生粉,麻油,魚露,少少鹽,葱粒,多多芫茜碎,吸乾蠔仔,油要熱,下料,見邊邊位有少少金黃開細火,蓋蓋,煎焗2-3,反另一面,大火一陣,再細火煎焗,蠔仔要剛熟才好食,唔係半生熟會腥架,大家煎多幾次就可以,昨天家人一見到蠔仔餅好瘋狂,因我好耐冇整過呢....

打風晚餐

打風多數簡單,家人想食番茄鯷魚意粉,好易做,係街市見有蠔仔買,就整芫茜蠔仔餅,煮多做菜,搞掂

芥未雞件

而家小妹好愛用芥未,魚露醃雞,再煎香佢,雞件真係超好食,而且用芥未醃雞,雞肉會多汁軟滑,最開心係媽媽可以食到呢

夜香花瑤柱冬瓜蝦皮煲

昨天小暑,因之前己煲咗綠豆百合章魚湯,咁我就整個湯底煮冬瓜,天氣熱大家都冇乜胃口,湯可伴飯食,湯底用3粒瑤柱,肉粒,冬菇,大地魚粉,芫茜頭都湯,就咁飲己鮮甜到爆,加埋冬瓜同夜香花蝦皮,香味湯甜到呢,呢煲好快清,個個伴湯飯食成身己去暑熱啦...............

咸蛋芫茜肉碎豆腐

媽媽牙不好,煮些啱她食,呢個她好愛,因咸咸香香,我又加芫茜碎,仲香呢.......................

車打芝士汁草蝦

唔好看佢肉酸,但呢隻蝦好爽口同鮮甜,佢係黑身,黃腳,但要看清楚,看佢頭完才好買,因有好多魚檔都有,但有些唔新鮮,最好去番你相熟魚檔,本想豉油王,但媽話想食芝士汁,好在雪櫃有,裝車打芝士,我用牛油煎香蝦至8成熟,因鑊有煎蝦餘下香,加50ML上湯煮一煮,取出蝦湯,鑊中下半茶油,炒香蒜粒,乾葱,下100ML上湯同蝦湯,滾下3片芝士,溶回蝦都至你想要杰度,食得,一上卓香到不得了,而且係家開着冷氣食仲開胃,家人最快清芝士汁伴飯,蝦留慢慢啱