標籤

2015年3月28日 星期六

清蒸金鼓


金鼓呢個時候有得食,好甘香,肉質好滑滑.

父母親生日飯

芫茜頭豬骨蠔士粥
鮑魚撈麵

瑤柱絲燴絲瓜

豉油雞.
仲有一大碟生菜
父母親生日係差不多的,多數一齊祝福,酒菜微薄,但用心煮架,見佢哋食得開心,我都開心,最緊要身體健康
,

豉油雞

煎碌約5MIN,


父母親生日,小妹整隻豉油雞過他嘆,今次用龍崗雞,好滑,同今次先煎碌佢再鹵,雞皮係好好食的,

 

2015年3月27日 星期五

蒜蓉蒸本地龍蝦




見街市有龍蝦買,咁我唔太懂煮,家又冇焗爐,就咁蒜蓉蒸,但家人話冇乜鮮甜味,係咪我唔懂煮,定係一定要焗芝士才好食,但我會繼續試吓其他蝦比較吓,唔通真係要外地龍蝦才好食?????

2015年3月23日 星期一

煎石馬頭

又有石馬頭買,都係煎好食,煎好起鱗食,魚鮮同好滑,但家人連魚鱗都食埋,佢哋話我煎到脆晒,好好食.

2015年3月22日 星期日

苦瓜煮蝦




蝦頭煮一煮苦瓜先.

前兩天唔夠苦瓜,今次買三個,又係用鮮味煮佢,今次係蝦,我用蝦頭炆煮佢,到煮好晒埋好芡才回煎香蝦身,咁樣蝦又烋保持蝦鮮味,苦瓜又帶到蝦鮮味,三個苦瓜一樣清晒,又太鮮太好味啦,連出味蝦頭都一樣好味呢,太家又試吓,真係正架.

涼瓜炆魚頭







涼瓜開始有買,好想食炆魚頭,細個不喜歡食,媽媽永遠都會加成磚糖來煮比我哋食,但都係覺苦,自從係電視去除佢白色部份才煮,咁我懂煮時己用哋個方法,煮起真係唔苦,係甘甜,但又可能年紀大個,接受到咁種味道,但我不愛加太多糖,我愛用蛋,咸蛋,或海鮮來比鮮味佢,今次煮魚頭,但唔係長炆佢,魚頭先煎香(我煎咗20分鍾,因唔係炆佢,都係煎熟比較放心),苦瓜用少少鹽醃佢3分鍾,出水30秒去除鹽份,煎香薑片,蒜片,乾葱,回苦瓜,下紹酒,下汁,上湯,鏗魚汁,魚露,蠔油,黑糖,大地魚粉,大火煮約2分鍾,回魚頭比較硬部份煮多2-3分鍾,尾回怱段,芫茜,埋少少芡,回魚頭其餘部分,伴一伴成煲上卓,家人第一時間食苦瓜先,聽到一聲嘩,以為唔好味啦,原來佢哋話好鮮味,苦瓜又軟淋入味,唯一不足係買少咗苦瓜喎,但呢度已細個啦...
,

2015年3月21日 星期六

洋葱煮雞


家人一直都愛洋葱煮食物,由其愛先用20-30慢煮起洋葱,至金黃色,呢個步驟要有耐性呀...再煮起雞件,再回洋葱煮一煮,咁就有汁有雞件食啦,呢個妹妹係帶飯至愛,佢話洋葱汁伴飯一流,我上面用咗2細個煮起有一碗,因洋葱吸收咗雞汁係好正架,同洋葱好啱預防流感天氣,大家試吓.

2015年3月19日 星期四

蒸鷹倉


上星期煎咗燕子倉,今次見到有鷹倉,佢最貴可以去到15元一兩,但次街市買8元一兩,上面要70元啦,但佢蒸,煎肉質都一樣咁滑,今次蒸,肉質真係同平時白倉超大分別,係滑滑滑,一上卓好快清,下次又有平要煎嚟食先

香煎燕子倉


 


倉魚好得意,有些倉係蒸煎都好食,有些一定要煎才好食,但鷹倉同燕子倉就蒸煎都好食,今次食煎,當然係最好食啦,家人點沙律醬,正到冇朋友,上面要100大元,但好食就得啦

2015年3月17日 星期二

紅酒番茄炆牛肋骨






雪了一晚
 

牛肋骨之前整過,但真正用紅酒未整過,咁妹同媽媽係愛食牛,間唔中會整一次新歀給他們品嚐,今次的起心肝整紅酒牛肋骨一次,為何的起心肝,因我心目中食譜係預備3日的,買齊所要食材,第一天先用紅酒浸牛肋骨,因上網話咁想會軟淋,紅酒內加香葉同胡椒同浸,第二天取出牛肋骨,沾少少麵粉,等一陣牛肋骨同麵粉溶合再煎香表面,吸油,鑊中留少少油炒香洋葱,番茄,番茄膏,西芹,回浸牛肋骨紅酒,加半盒雞湯,3湯黑糖,蓋過牛肋骨,大火之後細火炆45MIN,関火焗30MIN,重覆3次焗至晚上放雪櫃浸一晚入味,到第三天晚上成碟蒸就可,雖然整呢個菜用咗三日,但出來效果非常好,之前對紅酒炆菜係有點懷疑???,唔知會唔會好大陣酒味,又會唔會炆到成煲黑色,但我炆起顏色係我心目中係餐廳食到色水,因家人在外會叫來食,同埋牛肋骨入味之餘又非常軟淋,連媽媽都激讚,我唔食牛,但佢個汁係超正,我都食咗成碗飯呀

2015年3月16日 星期一

韓式豬腩片伴有機生菜食







係百佳買了一件好靚五花腩,本想炆,但有日媽媽話想食韓燒,咁我哋好少出去食,咪係家試整比佢試吓,我係生煎到佢熟,因看過有味菜係鹽煎腩肉,又試吓,一直用中大火,但可能我多手落咗隻蛋黃醃(因本想係炸佢,落蛋黃會香d),所以煎出來表面燶咗,下次唔落可能會好點,煎好即時包比媽媽嘆,佢話超好味,有燒肉香添,仲加埋韓式燒肉醬食,人多一齊包嚟食唔錯架,媽話要我再整喎,大家又試吓

2015年3月15日 星期日

白鰂兩食:大豆牙豆腐芫茜頭湯+腩蒸xo

一星期會儲起一份芫茜頭,今次煲豆腐湯,煲好父母親可以食嗎,飲完清熱下火,湯好甜,買兩條白鰂,腩得大骨,又甜,蒸xo食,尾多骨侎煲湯,但煲起小心起出魚件,因真係好多骨,有老人家小朋友特別小心呀.
 

油鹽水煮蜆



本想買花甲,但買晒,咁見到蜆又試吓,回家浸鹽水2小時時,出水,隔出面水,底有少少沙不要,蒜,芫茜,葱,芹菜粒炒香,下少少鹽,蜆水,少少上湯,回粉絲,煮滾回蜆試味,唔夠才加鹽,夠就唔洗,其實魚佬話呢隻係炒好食,我都覺花甲湯煮係個湯甜好多,但好在冇乜沙,全部好快清,父親連湯都飲清,哈.....下次炒吓先.