炸菜蒜粒乾葱蒸多寶魚

 

 

見肥媽整,媽當然要食啦,就整比佢,我買開魚檔一定要食法國多寶,係淺色的,好食好多,深色自覺麻麻,

土茯苓圓肉扁豆南北杏無花果蜜棗西施骨湯

呢個湯真係少少甘多甜甜,連平時不太愛飲土茯苓妹妹都詁好味,因之前父親愛濃味,煲2斤,一定甘啦......但我煲一斤,同埋今次土苓超鮮,聞起係有陣甘香味架,大家又試吓,若人少半斤都可以架啦.............

p.s.:自己做法土茯苓會出水先煲

自家豬皮鹵肉飯

姑姑之前給了我一件豬腩肉,底骨做咗南乳骨,上面肉起出先出水,再切粒整鹵肉飯,因媽媽有次看旅遊節目台灣介紹粒粒鹵肉飯,咁我有份咁靚腩肉咪整比佢食,但準備工夫好多,要5-6片豬皮,看飲食節目學,個汁會起膠,好食好多,又試吓,但係樓下車仔麵檔買吧,2湯花生醬,自家炸乾葸半碗,自家炸蒜粒半碗,超市買會好大陣"益"味,自家炸好香,生蒜粒1/3碗,蝦皮,冬菇5粒切片{冬菇水留起},25ml生抽,25ml鏗魚汁

先少少油煎香豬腩肉,下生蒜炒一炒,回冬姑粒,下紹酒,關火,另開火鑊回炸乾葱,下生抽鏗魚汁,冬菇水關火,倒進五花腩煲中,又係飲食節目學,香好多,落蓋過肉水,1大粒冰糖,蝦皮,花生醬,炸蒜,細火30mim,尾加兩隻蛋焗一焗,個汁有蛋香的,收至自己愛食杰度,好隨意,但真係超香,個汁一上卓妹妹即嘩,乜咁香呀,即食,佢愛咁樣一粒一粒有咬口五花腩多過肉碎,又夾到豬皮,佢話好有驚喜,明天放假,大家有時間玩吓,我會再整的,因第二天仲好食,我媽加青瓜酸瓜夾鰻頭食,正到佢呀............媽媽開心我開心呢...................................

梭蘿魚節瓜洋薏米湯

一有梭蘿魚一定買1斤煲湯,好甜,但處理佢麻煩些,要先煎香,下水煮奶白色湯,再隔清魚鄰,如不隔清飲時好難頂架,之後加你煲湯料,腐竹,豆腐,瓜類....好甜架,尾要加鹽呀

牛油芝士煮雜菇蘆筍

媽媽好愛食supersandwichs忌廉炒雜菇,自己試吓炒,自己對芝士知識有限,家中只有片裝車打芝士,就用牛油同車打芝士煮啦,因我不愛牛奶,冇用,只加上湯,

先炒香蒜粒備用,鑊下少少蒜油,乾葱粒加雜菇,中火不斷炒,佢會中途出水同金黃,此時落回炒蒜,大湯牛湯,關火下1湯麵粉伴均,開回火落200ML上湯,2片車打芝士,試味尾下黑胡椒,另鑊炒香蘆筍粒,回牛油雜菇中收少少汁,想多汁就不用,家中一致愛呢個味,由其不愛太食奶類汁都愛食,因夠咸香同蒜香味,妹妹取了好多帶飯呢,佢話係呢個味啦.......................

 

雞腳炆鮑魚仔

媽媽愛食炆鮑魚,因夠淋,係街市見有60一斤,一定要你買一斤,唔太大隻,約有18隻,用雞腳炆個汁好有骨膠原,同一定要夠時間炆,煮好個汁落己清洗去殼鮑魚,細火炆2小時半,再焗6-7小時入味,唔樣鮑魚一定夠淋同入味,昨天食到媽好開心,連雞腳都好好味喎

煎龍躉片

一個字,正,係家人食後回應,呢件腩係見住魚佬即場劏,好新鮮,有個婆婆即時要佐個超佢魚頭,唔知佢點食呢....

回味南乳骨

食前沾蛋黃

沾粟粉

大火每邊0炸30秒

細火每邊浸10分鍾,唔急得架

再大火炸,取出,油熱再回炸一陣,

伴炸蒜,芹菜粒炒埋一齊食得啦...............

 

整呢個骨功夫多,唔係成日整,醃贡兩日入味,但食起好回味,所以家人成日都話想食回味南乳骨,哈...,姑姑給了我件好靚腩骨,又整啦,去咗上面肉,只要底骨,上面肉另整鹵肉,未整,整咗再話比大家聽.

咸蛋苦瓜

係唔健康,但間唔中食唔怕啦,我用2隻咸蛋黃,1隻蛋白,所以不用加鹽呀,先出水苦瓜,再炒一炒爆香,用1湯牛油加普通油推至起泡,再回苦瓜煮一煮,咸蛋黃真係好夾苦瓜,好味....

番茄肉醬意粉

好多時整番茄醬我係冇落肉,因落豬肉又唔好食,所以多用鯷魚調味,但媽媽同妹妹愛食免治牛肉醬味道,間唔中會整比佢兩食,自己食過同出面意大利肉醬意粉味相同,好食,我最尾加咗車打芝士碎仲正呀...