標籤

2015年9月30日 星期三

明太子忌廉蘑菇意粉









雖然手痛,但好開心買到明太子整意粉比家人食,真係好正,先取出明太子,加日式沙律醬伴一伴,底汁:牛油炒香1條鯷魚,蒜粒,乾葱,白蘑菇片,加100cream,200ML上湯,1片車打芝士,200g天使意粉焯熟,回汁,加埋明太子沙律汁,伴均食得,大家記住明太子己有咸味,要試味才加鹽呀,上面汁己夠底味,連父親第一次食都話好好味喎....

2015年9月29日 星期二

雞扒讓墨魚膠


雞扒先醃底味,我用味噌加少少魚露

沾生粉

加墨魚膠

雞皮落先(跟住家人聽到我大叫,手受傷....),都要繼續煎焗


起碼煎焗20min,要有耐性呀...

好好味
呢個係都市閒情"上門教煮餸"學18/9(五),一看就想整,昨天的起心肝整,好好食,但換來油彈到成手都係,因係雞皮落油,但手部有水,水同油一齊超彈,自然反應用手擋面,換來手傷,真係痛到冇胃口,晚上好似蟻咬咁,好在第二日己起焦,現在慢慢起水泡,應該好快好,大家要小心,但都要推介,家人話好好食呀

嗚........................................

2015年9月28日 星期一

上湯蛋汁煮蝦

 

買了斤蝦,想搞搞新款,想起食過滑蛋蝦河粉,個汁好好食,用佢原理整,蝦去腸,過油約2-3MIN,取出,炒香洋葱,下一大湯瑤柱醬,下3/4上湯,內有1湯魚露,生粉,煮至滾回蝦煮多1-2分鍾,開至最細火,下蛋汁,慢慢伴至蛋花,食得,蝦新鮮,所以汁好鮮甜,正,個個爭住伴蛋汁食飯,哈....呢隻蝦好爽,實淨,又鮮味,正.

2015年9月27日 星期日

蝦皮鹵一字骨




上圖係之前炆鹵骨,成品差無幾,因掛住食望了影,哈.......................
家人話呢個骨食極都唔厭,因個汁超級好味,但準備工夫多,要先炸定乾葱,炸蒜,生蒜,花生醬(加了一大湯汁會好味好多),冬菇,蝦皮,八角,桂皮,香葉各一片,汁係新加坡老抽,鮑汁,蠔汁,冰糖,上湯,炆佢30分鍾,焗30min,重覆4次,就會又淋又滑,大家有時間試吓,但最緊要睇火,有次小妹望了關火,好在一直都係超細火,小心呀.............

2015年9月24日 星期四

鮮淮山白鰂瑤柱湯

媽媽前三天又發燒,又嘔,食咗西藥,好番了好多,但食西藥傷咗脾胃,睡得不好,飲了淮山湯她說胃部舒服晒,真的,食西藥多她晚上會成日去洗手間,但呢兩天飲了止湯,食埋淮山,真係唔覺佢起身,仲一覺到天亮,所以今天她好精神,同佢行街街開心吓.

2015年9月22日 星期二

鯷魚雞粒伴茄子



鯷魚好好用,用蒜爆香佢加肉粒炒己係汁底,回炸茄子收汁上卓,鯷魚好夾茄子,好好食

2015年9月21日 星期一

鮑汁蠔油蝦皮鹵牛筋




妹好愛食牛筋,今次用鮑汁蠔油老抽蝦皮冰糖炆,超淋呀,我係買己處厘理好牛筋,老闆話半小時己淋,但我媽要好淋,有膠質,我係炆佢30min,焗30min,重覆做咗4次,淋度係食完皮膚超多骨膠原,彈吓彈吓架,佢凍咗汁係變啫喱,就知膠質重,媽留咗份伴蝦籽麵食,見佢邊食邊話好滿足喎....大家又試吓,父親口食牛,但佢係咁伴汁食,超搞笑.........

2015年9月20日 星期日

味噌白蘿蔔豬皮煮火鍋肉片


呢個菜好多時整,因好嘢味,用味噌筅煮好白蘿蔔,再買份豬皮,其實可以自己炆,但自己樓下用豬骨湯煮豬皮,想用佢d汁加埋蘿蔔好好味架,最尾落埋煎好火鍋肉片,收少少汁上碟,唔會打芡,因豬皮有膠質,大火煮一陣會起膠,汁好好送飯架.............

2015年9月19日 星期六

2015年9月18日 星期五

煎石馬頭


呢隻魚好好食,但唔好去鱗,連埋煎,魚肉會好滑,食煎去皮

粉葛牛大力栗子腰果鴨腎無花果豬尾骨



連續煲咗牛大力三星期,父母親腰痛好番好多,今次加粉葛,妹妹一飲話超甜喎,我最緊要父母親飲咗好呢..................

蒸海魚


呢隻魚唔記得乞乜名,但好好食,又滑又鮮甜,下次問番先

2015年9月15日 星期二

炸洋葱圈

之前係dazzling拼盤有洋葱圈,好好食,但得4個唔夠喉,又想試吓自己玩,我係用1隻蛋加韓國煎餅粉,伴好加少少鹽,放雪櫃等約3小時,取出,洋葱圓切,取出一個個圈,沾少少粉,再沾漿,油熱炸,炸要看經驗,試過一個失敗,第三個才開始上手,所以冇影相,只有成品,第一時間比父親佢話好好食,洋葱好甜,皮又脆,連佢唔愛試新嘢都話好食,仲食咗好多,炸咗成一大碟好快清,好在當天飲萍果雪梨無花果水清熱氣,不過因冇加泡打粉,要熱食才脆口,涼咗冇咁脆咁囉.........................

南乳雞鎚



家人愛食南乳雞翼,又想試吓玩雞鎚,煎緊時己超香,正到不得了,家人話以後改用南乳醃.

2015年9月13日 星期日

the one--dazzling cafe







我的LATTE(香濃)正,啱我


                                         媽的LATTE(多奶)啱她,佢個心大個我囉
                                  妹係凍綠茶LATTE,啱她,唔啱我,因加咗糖,奶味重,不太愛






門口大介子好可愛呀

 
妹之前食過,她說那waffle我見到一定好開心,帶我哋去,但佢係開12时,仲要日日都咁多人等,那天班車塞,遲咗去,己好長人隴,咁我哋又試吓,因若坐滿最少要等多30-45才有位,一個一個咁入去,見只仲2張2人枱,但我哋前面仲有12人,但原來2人枱只可加多1張椅子,2對4個人要等下一回,變相之前兩對(包我哋)可以入,真好彩,本己想定去第二度開午餐,因早上冇食過嘢,腳軟,
好啦,坐好位,但要12時40分才可叫食物,入坐都用咗30分鍾呀,
士多啤梨waffle,上卓己今女士們心花怒放,有三款汁:煉奶,士多啤梨醬,蜜糖,佢食落唔係熱辣辣,但夠鬆軟,伴附和士多啤梨雪糕好好食,小妹不太食甜,只加士多啤醬己夠味,不用加煉奶同蜜糖
明太子意粉:好少食,以為好腥,但妹推介,一食即愛上,一點都唔腥,汁夠多,最愛係口中啪啪聲,小妹一定會研究整的
DAZZING拼盤:洋葱,雞件,薯條,魚柳,好食,夠脆.
但DAZZING每人最底消費一定要杯飲品,有點奇怪呢......
大家想試食要計吓時間等位,等位其間可以吓商場,好多嘢看同食店