豬皮蘿蔔滑雞煲

天氣又回凍,凍凍地又諗起雞煲,食完暖立立.....大家保重

本菇粉絲牛肉片

妹妹至愛,伴飯一流

煎焗中雞脾仔煮肉瓜

 

真係比媽笑死,之前整煎雞鎚仔,佢話麻麻,我話你之前都話好食,原來係唔夠啖啖肉喎,咁我買大隻d雞比佢食,今次話好食啦,佢自己食咗2隻......,不過佢大,要煎焗20MIN,再伴汁,翠肉瓜,洋葱煮一煮又一餐啦

蓮藕綠豆百合鴨腎豬展湯

新年食得炸物多,煲個解毒湯先

牛大力栗子雪耳豬展湯

青木瓜海底椰雪耳魚尾湯

青木瓜可治痛風症,煲比嫲嫲飲

煎蘿蔔絲餅

g

小妹今年好懶,可能之前天氣凍,改用另一種方法整蘿蔔餅,我媽好愛食上海店蘿蔔絲餅,咁我試吓刨蘿蔔絲,加少少鹽,糖,令到蘿蔔絲出水,我係200g蘿蔔絲,用蘿蔔絲水加咗8-10湯韓式麵粉(因長期有,用埋佢)伴均,加少少炒香蝦皮,芫茜,芹菜粒,胡椒,不要加鹽,因之前加咗鹽出水,已係味道..小妹試咗兩次粉才合媽口味,第一次媽話太少粉,因她愛食蘿蔔糕口感,第二次就啱啦...大家試啱自己口感啦...慢火煎焗佢,都要20分鍾,唔係蘿蔔絲唔熟,有些苦味加....我煎好仲要焗佢5分鍾,仲正,所以家人現在愛食呢個煎餅,熱辣辣食,正,同呢個方便得多,懶得就懶啦...

豉汁蒸鱔

係街市有時見人要了一半鱔,我會即時要埋尾,因成條太多,食唔晒,好耐冇食,食番好正....

團年食物

橫財就手(燴豬手)

黃金碌碌(咸蛋黃汁煮蝦)

 

金絲肉丸(芽菜肉丸炒麵)

上湯旺菜浸雞

大吉大利(鹵鴨舌)

仲有生菜(生財.......)家人真係食唔停,我最開心個個食到嘴lum...   lum....

茶樹菇粟米紅蘿栗子海玉竹腰果雪耳鮮淮山乾貝無花果西施骨湯

呢個湯一個字,甜,買咗包茶樹菇,唔記得咗何時買...哈....開了又覺冇變味,但都係浸耐少少好,加些滋潤食材食,又夾喎,完全冇菇怪味,大家又試吓